قصيدة ..
كفاية اللي عملتيه
بقلم / على حزين
هـ قولك ايه بعد اللي عملتيه
هـ قولك ايه ما قلبي موتيه
هـ قولك ايه بعد ما جرحتيني
وجرحتيه وخنتيني وخنتيه
وسبتيني وسبتيه وبعتيني وبعتيه
يا ريت تنسيني وتنسيه وكفاية
كفاية لحد كده اللي فينا عملتيه
*
أنا خلاص هـ بدأ من الأول
وأودع الماضي خلاص
وهدور يمكن ألاقي الأجمل
واللي تحبني بإخلاص
يمكن ألاقي الأفضل يمكن
ويمكن أستكفي خلاص
وكفاية لحد كده اللي فينا عملتيه
*
ومنين أجيب قلب عشان أحب تاني بيه
وفين ألاقي قلب الإخلاص والوفاء ماليه
وفين ألاقيه , القلب الطيب فين ألاقيه
آه لو ألاقيه عمري كله مش خساره فيه
من حبي أسقيه وبروحي أفديه ولو يطلب
مهما يطلب حتى عينيَّ مش خساره فيه
بس كفاية لحد كده اللي فينا عملتيه
*******************************
تمت مساء 10/ 7 / 2022
على السيد محمد حزين ــ طهطا ــ سوهاج ـ مصر
ليست هناك تعليقات:
إرسال تعليق