وانت مسافر
________________
خلي بالك وانت مسافر
مش كل اللي تقابله حبيب
صاحب طيب لو هاتعافر
قلبك يبقى لقلبه قريب
واوهب له قلبك وحياتك
واخلص له بروحك وبذاتك
وشاركه ف جميع حكاياتك
وبلاش انك عنه ....تغيب
_________
الطيبين على طول يتحبّوا
للقلوب بيلاقوا طريق
يتكلموا من غير مايخبّوا
الحقلك منهم يلا رفيق
وانت كمان تِخلِص وياهم
واللي معاك على اللي معاهم
تلقى الدنيا مش وخداهم
والطّيب في الحق جريء
_________
حِبّ خلق الله في الله
مش علشان مصلحة تقضيها
والطيب يرزقه مولاه
وحياتُه هانستعجّب ليها
ساعد مِن يحتاج لمساعده
مش محتاج تفكير ومناهده
خالفها النّفس المُعاندة
واللى يقدّم خير .......يلقاه
______
بقلم الشاعر /رمضان عبدالله أحمد
ليست هناك تعليقات:
إرسال تعليق