قصاد عيني في كل مكان
كلمات الشاعر محمد عبد العزيز رمضان
قصاد عيني في كل مكان
غلبت أخبي أو أداري
وعشت أنا بعده في الأحزان
قسيت وظلمت يا غالي
نسيت كل اللي بينا زمان
هربت وقلت وأنا مالي
وباع حبي وسبني وخان
صبح قلبي كمان خالي
خدعني ببسمة شوق وحنان
وعشت حزين في موالي
في قلبي وروحي والوجدان
وتهت يا دنيا من حالي
بقيت مسجون صبح سجان
وفرق بينا سور عالي
قصاد عيني لقلبي قريب
عرفت الفرح وأنا ويياك
ومن غيره لوحدي غريب
حبيبي يا عمري بتمناك
ودمع العين يا أغلى حبيب
يا روح الروح أنا بهواك
وبيني وبينه أحلى نصيب
ومش هبعد ولا هنساك
سبب ناري سبب تعذيب
غيابك عني ويل وهلاك
قصاد عيني وأنت بعيد
وببعتلك حبيبي سلام
ونار حبك لهيب بيزيد
طلع حبك كلام في كلام
وبكاني لقيته سعيد
لا صان حبي وكان أوهام
رجع يبكي وإيه هيفيد
رجوعك ليا في الأحلام
وظلمك ليا صعب شديد
تعبت كرهت كتر ملام
زمن قاسي رماني وحيد
وبعد الود لوم وخصام
ومهما يقوللي أو هيعيد
نسيت حبه مع الأيام
قصاد عيني أنا موجوع
كلامك ليا مش مسموع
َوعشت حياتي بكا ودموع
خلاص انسى ما عتش رجوع
ومش هقبل أكون مخدوع
ولا هرضى أعيش في خضوع
قصاد عيني هقول وهقول
بحبك حب مش معقول
وقلت كلام كمان معسول
حبيبي هكون معاك علطول
وعنك مش هكون مشغول
ومن غيرك هكون مقتول
قصاد عيني حبيب الروح
ومن غيرك هكون مجروح
وبعدك عني مش مسموح
طريق قلبي إليك مفتوح
ومهما تخبي راح هتبوح
وأوعى تسبني طير مدبوح
تعب قلبي بطول النوح
وفوق شط الأسى مطروح
قصاد عيني دا بعدك نار
وقربك مني ويل ومرار
وتهت معاك وقلبي احتار
بنيت بينا حبيبي جدار
سرق قلبي وسابو وطار
طلع خاين لبعدي اختار
زمن قاسي كمان دوار
ومش راجع أخدت قرار
ليست هناك تعليقات:
إرسال تعليق