مو حاقد ...شعبي
بقلمي حسان ألأمين
كتبت الك
من زمــــــــــــــان
لحين ما جف القلم
وكتاباتي تناثرت بالهوى
من صحيت من الحلم
يا قلم انسى الي كتبته
بعشر اسنين
وانسى ايام المحبه
وجنك ما مريت ابظلم
حتى الاوراق الي اعشكَتها
مزكَها
بعد مايفيدك ندم
سهرت وياه
ليالي
و انتكَيت
احلى حروف المحبه
الـ زاحت منهم السُكَم
طلعت بذات
مافاد وياه النصح
ولا احسن الكلم
ما يدور عـــ الينفعه
و يعوف الــــ يحبه
ويمشي بدروب الظُلم
يالكَلب ربي يصبرك
عالجروح
وعسى ربي منهم ينتقم
كون يجرب
ويحب غيري
ومن يتولع بيه
منه ينحرم
مو حاقد اعليه
لا والله
بس اريد يمر
بـ الي مر بيا ويصحى
من يضوكَ الألم
اني من حبيتك
خليتك بكَلبي علم
و ظنيت لو بقيت وياي
ما احب غيرك ألف
لا و لم
و أسد باب الكَلب
و اختمه بـ مليون ختم
بس هي قسمه
و كلمن يرضى
بما ربه .. قَسَم
بقلمي حسان ألأمين
ليست هناك تعليقات:
إرسال تعليق