الخيامية
عندنا بجوار الجمالية
وتفوت بوابة المتولي
تلقي قدامك الخيامية
متحف مفتوح يردالروح
ومنين مطروح تلاقيك
وكأنك كده منفوح
بفنون الحرفة اليدوية
قماشات. قماشات
مشغولة رسومات
الوان. الوان
للوقت الحالي ومناسبات
والانتيكات ابريق شربات
فوانيس رمضان
بشكل زمان والمودة دية
وحاجات كروهات
قعدات بوفات
وسبرتاية قهوة هدية
والسقا يفوت يضحك
مبسوط يسقيك ماية
تلقي الشيبة تبقه صبية
والعرقسوس بيهدي
نفوس
ترياق للتايه والممسوس
عم ياعطار جواك اسرار
والجد ماعمره مافاض
بهزار
واللي بيصدق كودية زار
ضايع محتار ممنوع
يحضر للخيامية
عندنا بجوار الجمالية
مرجع تأهيل لتراث
تأصيل
ولحرفات فن صنايعية
وهاتها جمايل يارب
شاعر الحارة المصرية
صلاح سليمان
من ديوان توب جديد
ليست هناك تعليقات:
إرسال تعليق