عامي
*شوك الوجع *
سنين الدهر متل الورق هرو
وين الهنا سكر حلا بابو
دموع الحزن فوق الأرض كرو
شوك الوجع دغري طلع نابو
وقت الحصد صوبي هجم شرو
جرح الألف منو القلب صابو
كل الوجع عند الجسم جرو
جيش القهر كلو إلي جابو
وقت السهر بس شربت مرو
راح النحل مع الشهد غابو
وجوه الفرح مني ظلم فرو
شعر الصبر عند الدرب شابو
ضاع الوقت صوبي ولا مرو
عيون الأمل فيهن عمر خابو
يمكن قسا بكتر الحكي غرو
ريق الدوا خلف الهجر سابو
علي شمس الدين
ليست هناك تعليقات:
إرسال تعليق