حكاية حوا
حوا كانت مركبه
بتلت عجلات
(تروسبكل)
كانت واقفه في
المعرض منوره
اصلها موديل السنه
كانت كالبدر المنور
في ليل التمام
شافتها بنت من
بنات حوا
قالت تشتريها
بالقسط لابو العيال
يقوم بمصلريفهم
ويخف من علي كتفها
الهموم والاحمال
صرفت أمورها
في مقدمتها
كل الي حوليها
قالو حاسبي
ده مالوش في الشغل
والأعمال
لكن كان عندها امل
ولو مره يصدق
ويفعل أفعال الرجال
خيب ظنها البعيد
كان يطلع مشوار
ويريح تلاتين مشوار
وأصبحت حوا عبئ
جديد علي بنت حوا
والي يغيظك أن ابو الرجال
عامل فيها ابو العريف
وعم الفهمان
كان بيحل فيها اكتر
ما بيشتغل بيها
كان مشقيها ويحملها
فوق طاقتها من الاحمال
فاكر نفسه عم الاسطوات
بهدل حوا وأصبح فيها
كتير من الاعطال
وذود هم بنت حوا
بين قسط حوا ومصاريف العيال
كانت تبص لحوا تحزن
بتشوف نفسها فيها
وتقول يا عيني علي حوا
ويعيني علي بنات حوا
الي بختهم مال ومال
بقلمي حنان حلمي
ليست هناك تعليقات:
إرسال تعليق