.....تركني بحالي.....
تركني بحالي ياحبيبي وفل
جرح البقلبي بعد ماتسكر
لو غبت عني بالقلب بتضل
ون قفي رسمك طيفك بيحضر
تركني عارك لوحدي بهالزمان
عركة حدى مقهور من عيشو
عاش العمر بيصارع الحرمان
تيعيش متل مالناس بيعيشوا
لقمة بخيلة مغمسة بالدم
انعجنت بقلة والخميرة قهر
انخبزت بفرن الأسى والهم
انغمست بجرن الفقر والمر
العايش حياتو ميت ومنكوب
والقهر فرشة ولحافو وجع
من هيك صار ينام بالمقلوب
قدام لمصيبة غصب عنو ركع
يصلي لربو مدبر الأحوال
يحرق البخور ويشعل الشمعة
يقلو ياالله صار حالي حال
من الكاس عني شف شي بلعة
تقاسم معي ياربنا هالكاس
الكلو وجع مليان قهر ومر
عندي وجع غر شكل عن هالناس
وفقر وظلم متلو عابشر مامر
مجروح وعجرحي صرت كابر
ما في حدى بيناصر المظلوم
سقوني الكفر تاصرت كافر
وصرت إكفر عا وجودي دوم
لهيكي تركني ياحبيبي وروح
كرامة لاالله تبتعد عني
بالجسد عايش لاكن بلا روح
روحي ع كتر الهم كرهتني
......بقلمي الشاعر عيسى وسوف باظة
ليست هناك تعليقات:
إرسال تعليق