أنت مين
بقلم سامي محفوظ حنا
أنت مين وجاي ليه
راجع بعد سنين
تتكلم وتحكي في ايه
تعاتب وتلومني ليه
هو كان بينا ايه
جاي تفكرني بيه
سيبت ليا ايه
افتكرك بيه
ايه اللي شفته منك
أندم وأبكي عليه
غير قسوة قلبك
وجرح غلبت أداويه
بتعاتبني على ايه
اللي زرعته راح تجنيه
زرعت في قلبي قسوة
والحزن سكنته فيه
مش فاكر لك حاجة حلوة
أيامي معاك كانت مرة
وحبك وهم عيشتني فيه
بتتكلم وتحكي في ايه
راجع ليه تداوي جراح
تعوضني على اللي راح
وزمن صعب عشت فيه
بعد ضياع الحب
مستحيل ترجع تلاقيه
الماضي ما تفكرش فيه
واللي كان بينا
بتمنى الزمن يمحيه
بقلم سامي محفوظ حنا
ليست هناك تعليقات:
إرسال تعليق