(( حنان الأم ))
من غير حنان الأم
الدنيا أبداً ما تساويش
في حضنها تطبطب وتضم
وأحن منها في الدنيا مفيش
هي الحنان وهي الأمان
ومن غيرها مانقدر أبداً نعيش ...
♤♤♤♤♤♤♤
البسمة منها ف وشنا
♤♤♤♤♤ بترد الروح
وحُبها بيسري ف دمنا
♤♤♤♤♤ ويداوي جروح
ودُعاها تملي بيحرسنا
♤♤♤♤♤ منين مانروح
ربنا يخليها لينا ويحفظها
♤♤♤♤♤ وف خيرها نعيش ...
♤♤♤♤♤♤♤
قلبها الطيب بيجمعنا
♤♤♤♤♤ ويساع الكُل
ولو يوم نشكي بتسمعنا
♤♤♤♤♤ والفرحة تهل
ومهما أيامنا بتوجعنا
♤♤♤♤♤ بتنصح وتدل
وكل أمالها تشوف فرحتنا
♤♤ وغيرنا في القلب مفيش ...
♤♤♤♤♤♤♤
في عيدها بنفرح
♤♤♤♤♤ ونغني
ونقول شُبيك لُبيك يالا
♤♤♤♤♤ أتمني
فرحتها تقول للدمعة
♤♤♤♤♤ أستني
إياكي تنزلي غصبِ
♤♤♤♤♤ عني
وإللي ف قلبها على
♤♤♤♤♤ لسانها
بتبوح دايماً بالحب
♤♤♤♤♤ وماتخبيش ...
♤♤♤♤♤♤♤
هي الوردة إللي ف
♤♤♤♤♤ بستانا
وهي العِزوة وكل
♤♤♤♤♤ آمالنا
ياما ضَحت بِراحِتها
♤♤♤♤♤ علشانا
وهي ملاذنا مهما
♤♤♤♤♤ جرالنا
شمعة بتنور كل
♤♤♤♤♤ حياتنا
وأنا عن نفسي غيرها
♤♤♤♤♤ ماليش ...
♤♤♤♤♤♤♤
حنان الأم
بقلمي الأديب الدكتور/
وحيد محروس خليل
ليست هناك تعليقات:
إرسال تعليق