ألوان و دموع
.................
مش كل دموع بتبان موجوع
وبترسم ليلها بأحزان
شوف دمع الفرحه وورد وطرحه
وضي الضحكه بألوان
ودموع تماسيح بخداعها تسيح
على خد الشفقه وإحسان
ودموع فيها خوف بعينيها تطوف
توحي لإحساسك ده جبان
ودموع لنجاح حقها ترتاح
من شمس تعبها
وله مكان
ودموع عاشقين فى الهوى خاينين
بغرامهم عهده لسجان
ودموع من نوع تنهي الموضوع
إن روحها إتغذيت بإيمان
ودموع مواساة فى الفرح وآه
بيبان لك طيبه الإنسان
ودموع من نوع آمنها
مفقود تحلم برجوع الأوطان
بقلم .. صبري رسلان
ليست هناك تعليقات:
إرسال تعليق