أنا قلبي حرير
كلمات الشاعر محمد عبد العزيز رمضانأنا قلبي حرير
كان نفسي أطير
كان ليا جناح
وصبح مكسور
مش عارف ليه
أسرتني عنيه
وصبحت ضعيف
خايف مقهور
وسألت عليه
وبحن إليه
والقلب خلاص
دايب محسور
وراني مرار
وطلع غدار
وشغلني معاه
أيام وشهور
ورماني في بير
من غير تفكير
وطريقي طويل
كداب مغرور
وكرهت هواه
محتاج أنساه
هبعد لبعيد
أنا كدا معذور
وكرهت الليل
وظلام الليل
أنا نفسي أعيش
وياه في النور
أنا قلبي حرير
صدقته كتير
وقدر يخدعني
رماني في نار
وسقاني حنان
وصبح بستان
فكرته هيفضل
ضاع وانهار
أنا عشت معاه
وإزاى أنساه
عايش وييايا
أناليل ونهار
وكفايه كلام
ودموع وملام
طلعت أوهام
والظلم مرار
كان حلم وضاع
بين الأوجاع
تايه وحزين
مخنوق محتار
ما قدرش يصون
عايش مسجون
وعرفت تخون
وبنيت أسوار
لو يوم هتعود
تفرشلي ورود
هتلاقي مابينا
جدار وجدار
أنا كنت معاه
دايب في هواه
ولبعدي حبيبي
كمان اختار
أنا طير في سماه
والقلب معاه
كان كل حياتي
وأغلى حبيب
علمني أعيش
من غيره ماليش
وحكاية وضحكة
لقانا قريب
يا دموع وفراق
بين العشاق
وبنار الشوق
أفراح بتغيب
لو يوم هتعود
أنا مش موجود
بكلام ووعود
وجمعنا نصيب
أنا طير مجروح
بإيديك مدبوح
وصبحنا خلاص
زى الأغراب
يا نجوم الليل
ويا حلم جميل
أنا فجأه لقيته
سراب في سراب
ساب حبي وباع
وما قلشي وداع
عيشني في وهم
أمل كداب
كان بينا حاجات
أجمل أوقات
من بعد الفرح
أنا عشت عذاب
طب تبعد ليه
وتخون كدا ليه
تهجر وتبيع
من غير أسباب
وكتب مكتوب
بهواه مغلوب
ورجع ندمان
من بعد غياب
ليست هناك تعليقات:
إرسال تعليق