وصية شهيد
وفي يوم من الأيام
قام البطل وقرر يكتب رسالته
ويحكي فيها قصته ووصيته
وقرر يخفي كل اللي كتبه
ووصى زمايله ما يظهروش
رسالته غير لما ينول شهادته ويسلموها
ليد أمه وزوجته...
قال هاحكيلكم عن نفسي شويه قبل الوصيه
أنا اللي طول حياتي مخلص النية للشهادة..
قبل أي دعوة لازم الأول أدعي من قلبي واقول
يارب اكتبهالي أكون شهيد
أنا بحب بلدي حب فوق الوصف
حب جامد شديد
طول خدمتي حنين على العساكر
وعلى الجنود كنت بحاول أحل
مشاكلهم واعلمهم الرجولة والصمود
كنت بعرفهم يعني ايه رجالة
سهرانين بيحرسو بلدهم
و بيحمو الحدود..
ديما اتقدمهم في المهام وازرع فيهم
الاقبال على الشهادة زي الاسود
كنت طوال الوقت أفديهم بروحي
وابقى ديما عزمي مشدود
الكل واحد في المعامله مفيش
فرق عندي بين ظباط أو جنود
دلوقتي هاكتب رسالتي ووصيتي
كتب رسالته....
وقال اظهروها يوم شهادتي
يومها هأكون خلاص
بقيت أسعد سعيد ....
الرسالة لكل جندي وكل وطني فينا يتعلم
من اخلاص وصدق نية البطل الشهيد
زينة الرجال فخر البلد
كتب وقال كلام يهز الجبال
ويدوب الجليد..
قال الشهيد عمره ما هيموت بيفضل عايش
وعلشان تكون شهيد لازم تعيش شهيد
انا الشهيد حامي البلد قلبي حديد
أنا اللي حلمت من زمان أكون شهيد
أنا سعيد لاني النهاردة بقيت شهيد
النهاردة أنا اتولدت تاني من جديد
انا اللي لما بعدوني عن أرضها صرخت فيهم
وقلت رجعوني لحضنها تاني من جديد
رجعوني أنا عايز على أرضها أكون شهيد
رغم اني عارف أرضها ورملها ملغمه
وكلها خطر شديد
لكن غلبني شوقي وعشقي لسماها وشمسها
وقلت مش هاعيش عن حضنها تاني بعيد
انا حلمي وانا بحميها وفداا ترابها
أكون شهيد
حب ترابها ورملها في القلب بيجري في دمي
وفي الوريد
انا حي في السماء عايش أنا مش فقيد
معايا هنا منسي وخالد ومحمد وعلي
وكمان وليد وبهجت وسعيد
صحبة حلوة متجمعين صدقوني
أنا مش وحيد
متجمعين وفرحانين ايامنا كلها أفراح وعيد
انا الشهيد
سبقت للجنة وهكون شفيع لأبويا وامي واختي
واهلي وكل احباب الشهيد
بكتب رسالتي وانا عايش معاكم
وكلي ثقة اني خلاص مشروع شهيد
زي ماقال منسي عايز تكون شهيد
لازم تعيش شهيد...
من قلبي طلبتها وربنا كريم فعال لما يريد
رسالتي لكل أهلي واحبابي خلو بالكم
من بعض ومن ولادي أولاد الشهيد
خلوهم يعيشو في حضنكم
وما تخلوهمش يروحو عن حضنكم بعيد
خلوهم يكبرو في أحضان جدتهم وجدهم
وعمتهم وكمان امهم زوجة الشهيد
عايزهم يحبو بلدهم وارضهم
ويكون منهم مشروع بطل جديد
عايز ولادي يكونو سبب في لمة عيلتنا
ويربطوهم في بعض بقبضة من حديد
أنا الشهيد.....
بقلمي محمدعبد الحميد السيد
جمهورية مصر العربية
ليست هناك تعليقات:
إرسال تعليق