نفسي أشوف الدنيا حلوه
بقلمي/ جمال حلمي ابراهيم عامر
.............................................................................
نفسي أشوف الدنيا حلوه
والحُب بنا والاحترام
نفسي أشوف الضحكه صافيه
ف الوشوش والناس تمام
نفسي أشوف أبوك وابويا
ال كانوا ولاد حلال
نفسي اسمع كلمة حلوة
تخفف عني كل ال كان
ليه يا دنيا فرقتي بنا
وال بنا عطف وحنان
لحد عايز م التاني حاجة
غير المودة والأحترام
كل الناس بتقول ياناس
فين الحب بتاع زمان
فين الرجولة والجدعنه
فين الطيب وحلو اللسان
فين الضمير ال هرب
لحد النهارده طافش مابان
بنسأل عليه هرب
منا ف الجبال
مين ياناس ياخد بأيدي
وأروح أقوله أسف ياخال
يمكن يحن ويرجع معايا
وأعمله ليله ولا ف الخيال
نفسي اضحك من جوه قلبي
وأنسى حزني والآلام
عايز الضحكة تبقا صافية
مهما كان شكل الزمان
نفسي أشوف الدنيا حلوه
وناسها عايشة ف سلام
..........................................................................
ليست هناك تعليقات:
إرسال تعليق