عالقد
بقلمي / عبدالحميد السماحي
زى الورده ريحتها فيها
زى المرسى مكان عالشط
أهى الدنيا عمال أتنطط
وارجع تاني واقولك خد
أنا بفرشلك كل سمايا
مكان الخطوه ومكان ماتمد
أهى بحور الشوق ياحبيبي
زعلان ليه ماتعيش عالقد
طريق وسافر فيه الأمل
يروح لعين الشمس ويسد
يروح عالنجوم شايل
ويحمل القمر بكتافه ويشد
والليل بظلمته ساكن كل القلوب
وآه من الحرقه لما تفرقه يتهد
تشوف كل السما صافيه
وتمسك خطوط الدفى والود
الكل منك يبقى معايا
زعلان ليه ماتعيش عالقد
دا إنت لقلبي دايما ساكن
زى الشبكه للسمكه ند
هفضلك ياحبيبي البحر
وإنت هتفضل ليا الشط
زعلان ليه ماتعيش عالقد
بقلمي
د / عبدالحميد السماحي
مصر 
محافظة كفرالشيخ
محافظة كفرالشيخ
ليست هناك تعليقات:
إرسال تعليق