#لسه_في_أمل { ٣ }
_ تفتكر لما اشوفك تعبان ووشك مليان زعل وخلاص
قربت تبكي أنا وقتها هسيبك مهما كنت مشغول أو عندي كتير من الهموم ازاي ده يحصل أبدا ما يكونش هاسيب كل حاجه في حياتي واجيلك اوام ما انت صاحب العمر وضحكة الأيام والصوت اللي لما بسمعه بحس إن لسه في أمان فيه نفس طيب طالع باصص للسما بيحب الخير لكل انسان فاللي زيك أبدا ميكونش لوحده طول ما انا عايش وفيا نفس ده انت أنا وحق العشرة اللي بينا ومش هاسيبك إلا لما تتكلم وتقول كل اللي جواك ارمي شيلتك من على ظهرك وانا الشيال......
_ مستني إيه ما تقول تفتكر أنا مش عارف اد ايه انت متحمل ومن زمان وحتى مش قادر تحكي وتقول زي
كنت بتتكلم زمان لكن أنا حافظك كويس مش سهل تحكي ومحتاج بس اللي يحس باللي انت فيه من غير أي كلام واعرف إن فيه منك كتير عايشين بينا ومعانا
متحملين الصعب وهموم تشيلها الجبال وكتير كمان محتاجين بس الكلمه اللي من القلب تكون ليهم سند
وقوه ادام الصعب ولازم تعرف إن لو بأيدي ما اسبش
حد مهموم وطبعا انت أولهم ما انت الصديق والقريب وفرحتي اللي لما اشوفك فرحان بطمن واكمل واواجه الحياه واعرف دايما ان كل واحد تعب في حياته واتألم عمر تعبه ما يروح هدر أبدا لن يكون واكيد هياخد جزاؤه من كل خير وسعاده تريح قلبه وروحه وعوض كبير عن
كل صعب شافه واتحمل وصبر وقال يا الله........
#ولسه_هنكمل_استنونا
ليست هناك تعليقات:
إرسال تعليق