أنا شاعر وقت بعصر قوافي
بتزرزب حلا عالأبجدية
بدلدق ريق عا كل الفيافي
عطشها بيختفي بترجع طرية
بيتمشى غيثها بكل لطافي/ة
كل نقطة على جنبا سرية
فتحت الأرض تم العوافي
طعميتا غذا رجعت قوية
عطيتا من حناني هالإضافي/ة
طلع آذار لابس مزهرية
طوى عطر العشق أبعد مسافي/ة
جابتهم نسمتي النرجسية
سكبتلن من حروف الظرافي/ة
كاسات الحلا بشعري غنية
لما اتذوقو ريق المضافي/ة
قالو هالشعر ضووا عشية
دهب الكون بحروفك لفافي/ة
تا يبرق قمر بوج الصبية
علي شمس الدين
ليست هناك تعليقات:
إرسال تعليق