(( أُمي ))
أمي يا أطيب خلق الله
يانعمة م المولى في سماه
بدعي ربنا يخليكي
وكُلي عشم في وجه الله ...
أمي يا أطيب خلق الله
♡♡♡♡♡♡♡♡
البسمة منك بتحييني
ودُعاكي للخير بيهديني
علشانك ربي بيرضيني
برضاكي عني بنول رضاه ...
أمي يا أطيب خلق الله
♡♡♡♡♡♡♡♡
يا أجمل فرحة في حياتي
سهرتي ياما جنبي ليلاتي
وبيكي ياأمي إتحقق ذاتي
وكله بفضلك ياما شاء الله...
أمي يا أطيب خلق الله
♡♡♡♡♡♡♡♡
في حضنك كبرت أنا وأتربيت
ولساني أما نطق عليكي ناديت
وشكرت المولى ياما وصليت
كَرَمِك في كتابه جل عُلاه ...
أمي يا أطيب خلق الله
♡♡♡♡♡♡♡♡
حنانك وطيبتك دول طبعك
ومنين ما بتدعيلي بكون سمعك
نفسي أكون خاتم في صوابعك
ورضاكي عليا دا عزِ وجاه ...
أمي يا أطيب خلق الله
♡♡♡♡♡♡♡♡
أُمي يا أطيب خلق الله
بقلمي الأديب الدكتور/
وحيد محروس خليل
ليست هناك تعليقات:
إرسال تعليق