أمي
بقلمي يحيى حسين
حضنها وحده يكفي
أول نور تشوفه عيني
وأول بوسة لضهر كفي
لجميلك يا أمي ما أوفي
نهر فايض شلال حنان
بلسم مصفي
كل دم بيجري بعروقي
في الأصل دمك
كل هم من غير ما أشكي
كان هو همك
علشاني تبيعي كل حاجة
ولا شيء يهمك
دا أحلى لحن عشق سمعته
من عزف فمك
دورت عليكي يا أمي
في كل واحدة
كل القلوب اللي عشقت
كانت ليا جاحدة
إلا الحبيبة وهي أمي
وهي واحدة
يحيى حسين القاهرة
19 مارس. 2023
ليست هناك تعليقات:
إرسال تعليق