(( هي العظيمة أُُمِنا ))
الأم يعني الأمان
وحب صافي وحنان
ونعمة من الزمان
وحُبها بينبض في دمنا •••
••• ماهية العظيمة أُمِنا •••
ولو يوم الحمل يميل
أو يبات القلب عليل
في عينيها يدوب المستحيل
وبدُعاها تُشرق شمسناااااا
••• ماهية العظيمة أُُمِنا •••
بإيديها تطبطب وتضم
وف أحضانها ننسى ألهم
وحواليها ياناس لو نتلم
وفرحَها من فرحِنااااا
••• ماهية العظيمة أُُمِنا •••
معاها بتحلى الحكاوي
وكلامها زي الغناوي
لو مجروحين بيداوي
وبتلملم شتات شملنااااا
••• ماهية العظيمة أُمِنا •••
نعمة من رب العباد
وحنانها كفىَ وزاد
وعطائها مالو ميعاد
وهي شمعة لسنين عُمرنااااا
•••ماهية العظيمة أُمِنا •••
هي طوق النجاة
ورضاها فيه الحياة
ووصانا عليها الإله
وبِرها أمر من ربنااااا
••• ماهية العظيمة أُمِنا •••
بارك يارب فيها
ونعيش تحت رجليها
ونعمل كل ما يرضيها
وتفضل لينا هي هنانا وعِزنااااا
••• ماهية العظيمة أُمِنا •••
العظيمة أُمِنا
بقلمي الأديب الدكتور/
وحيد محروس خليل
ليست هناك تعليقات:
إرسال تعليق