يامصر انا حته منك
شلتيني جنين وانا ابنك
لا يوم هاخرج عن طوعك
كفاية عايش إنسان
طول عمري اتمسح فيكي
وسهرت الليل لارضيكي
ولا يوم قصرت أبنيكي
لاحقق ليك أمانيكي
لا كن ظروفي ما بأيدي
كان نفسي اكون خدام
دا عهد اخدته على نفسي
طول منا
واقف على رجلي
هاضحي بروحي ودمي
علشانك وكل الأجيال
في العقل ديما على بالي
وف نومي كنتي أحلامي
والكل عارف وصحابي
من غيرك مليش عنوان
قالوا عني شاب صغير
وهاييجي يوم يتغير
فيه غيره قالها وتحور
وبقت سيرته على كل لسان
سمعت الكلام ونسيته
وكأني ما سمعت حروفة
دول ناس عيشنها كلام
طول عمري ماشي بدماغي
لا بسمع نصيحة واهي
عايش يشكك في الماضي
ما قدم خدمة أو مال
يامصر انا حته منك
شلتيني جنين وانا ابنك
علشانك اهد جبال
صحيح قدمت ما عندي
في شبابي
ونهاية عمري
لا كن واقف على رجلي
اطلبيني أجيك في الحال
يامصر ياتاج فوق راسي
وهبتك عمري وشبابي
بقناعة وضمير فعال
يامصر انا حته منك
.................. بقلمي/ جمال حلمي ابراهيم عامر .............
ليست هناك تعليقات:
إرسال تعليق