ياشاغلة البال
رومانسية
ياشاغلة البال وشغلاني
حبك جنني يابنت الإيه
ومالكة القلب وملكاني
قوليلي ف حبك أعمل إيه ...
ياشاغلة قلبي وعينيا
وسقياني حب وحنية
ماتخفي عليا بقى شوية
الحب دا أنا مقدرش عليه ...
عليكي حبة دلع دلال
وفي الماشية ياناس غزال
يتقال في غرامك ميت موال
بتأثري قلبي بقى وتشجيه ...
ونظرة عنيكي حكاية
بتوصف شوقي وهوايا
كل أملها تنول رضايا
في أيام العشق ولياليه ...
من أول مابقينا حبايب
وسهمك في القلب صايب
والله ياناس عجايب
وحبك مش قادر أداريه ...
هاتي إيدك كدا وشوفي
وأحضني بقلبك كفوفي
في قربك بيتبدد خوفي
دا سر هواكي الله عليه ...
معاكي أنا بعيش في أمان
وف غير حبك مش طمعان
وكفاية إني نسيت الحرمان
ونسيت هجر الأحبة وبلاويه ...
ياشاغلة البال
أغنية رومانسية
د/ وحيد محروس خليل
ليست هناك تعليقات:
إرسال تعليق