تحيا مصر ومش كلام
بقلمي الشاعر محمد عبد العزيز رمضانتحيا مصر ومش كلام
تحيا ويموت اللئام
تحيا هيا ولو نموت
احنا ليها كالسدود
احنا مينا احنا احمس
احنا أحفاد الأسود
احنا واقفين ع الحدود
احنا مفتاح الصمود
مهما نبعد راح نعود
نفرش الدنيا بورود
آه يا بلدي مش كلام
مش هنقبل الانهزام
لو رضينا ف يوم بخوفنا
يبقى ع الدنيا السلام
لو فاكرنا لقمه سهله
تبقى خايب أو عبيط
جرب انت وانت تعرف
اننا بناكل الحديد
اننا بنعدى خوفنا
عندنا مليون شهيد
مصر جوانا ف قلوبنا
مصر شريان الوريد
تحيا مصر وبكرا أحلى
بكرا هنعيد اللي فات
أنت أغلى يا مصر أيوة
إنت فيك الذكريات
إنت فيك أمي وأبويا
إنت فيك أجمل حاجات
ليست هناك تعليقات:
إرسال تعليق