إحذر إعصار (456)
................بيقولوا عليه أنا نكديه
فى عصبيتي مرار
طهقت الراجل زهقته
على طول طفشان
بسلامته مبلط عالقهوة
هربان من الدار
فشار ده بيحكي ويتباهى ده أسد مغوار ..
عايش فى الدور إنه مسيطر ديناميت مع نار
ومسجل إسمي فى تليفونه إحذر إعصار
بس أما يشرف ويجيني
وقعيته قطران ..
راح أسود عيشته يا ويله مني أيامه مرار
أسبوع ولا عتب باب دارنا ولا عاد بيخاف
أتجرأ راح جاب لي فى
ضره بشموع وزفاف
بصراحه كسر نفسي
هزمني بركان وإتشاف
وده ياما إتحملني وصابر
والفرجه بلاش
أشكيه بالقايمه ولوازمها
والنفقه وله سنين مهاجرها ولا أصلح حالي وأصون بيتي وأفرش له الجنه
ببساتينها ..
بقلم .. صبري رسلان
ليست هناك تعليقات:
إرسال تعليق