(لو كان بإيدي)
لمَّا جيت نورت حياتي وفِرح قلبي بيك
كان حبي حب غير عادي ليك
واتمنيت يكون عمري كله ليك وبروحي افديك
عشقتك وعشقك دوبني دوب
وهبتك قلبي وأملي أرضيك يادوب
وانت حبك ليا ياحبيبي كان حب عادي
وكنت احس بنبض قلبك نبضه نبض هادي
لايوم خطفت قلبي
ولا تاه مره معاك عقلي
وياما حاولت جوايا أخبي
سوء ظني اللي شيفاه في نظرة عينيك
ومايوم شوفت في عينيك الفرحه فرحانه بيا
وياما كنت أقرب منك وانت تجرح فيا
كنت بتخلي لهفتي ومشاعري جوايا نار قايده
واحلامي تضيع مني من غير فايده
ولما كنت تبعد عني
وإحنا اللي كنا زمان أحباب
علي مين ياحب يكون الملام والعتاب
عشنا ايام جميله سوا تساوي سنين
وكنا علي الحلوه والمُره متعاهدين
والكلمه كانت بتتقال من شفايفنا غنوه
واوقاتنا كانت كل ثوانيها حلوه
وعمرنا ماكنا بنتحمل انا وانت بُعدنا
وشموع المحبه منوره عندنا
وما كان بينا غير الحب ومانعرف الأسيه
وليالينا كانت محبه وغرام وحنيه
مين غَيَّرك حبيبي وحَيَّرك
ومين علي قسوة الدنيا غيري يصبرك
ليه تخلي ليالينا خصام وعتاب
ودموع وندم وألم وهجر وعذاب
وليه كنت بتطفي فرحتي وانا كلي حنين واشتياق
ياريتك ماتقابلني بجفا تاني
ولا تطفي جوايا نار أشواقي
ومن غير اسباب إوعي تظلمني وماتداويني
وليه احبك واهواك وانت تجافيني
شوف النهارده بقينا إزاي سوا وبُعاد
وراح اللي كان بينا من وداد
ياحبيبي دا الحب ود ووصال
ليه كل شويه تتغير وتبقي معايا في حال
من النهارده ياحبيبي لو الهجر بيني وبينك طال
قلوبنا هتتعود علي البُعد والجفا
ويضيع كل اللي بينا من حب ووفا
لو كان بايدي ماكنت أبعد لحظه عنك
ولا كنت ليله واحده تحرمني من حنان حُضنك
ومن حناني العمر كله ارويك
وخليني دايماً بقربك
وفرح قلبي اللي شاريك
خواطر (اشرف الدغيدي)
ليست هناك تعليقات:
إرسال تعليق