كلام الهوى
بقلمي يحيى حسين
أوعى تصدق قلبك
في كل ما بيقول
دا ياما صدق خياله
في كل ما بيقول
ضحك عليه الخيال
وصدقو على طول
لكنه زي الضباب
الصبح قوام بيزول
ياما سمعنا كلام
أصل الكلام قوال
ياخد ودانك معاه
وتعيش مع الموال
تغمض عينيك وتنام
ويبقى الخيال جوال
ولما تفتح جفونك
تلقى الخيال لزوال
صحيح كلام الهوى
الله عليه دا جميل
وابليس لما غوى
أكيد كلامه جميل
زي نسمة هوا
وغصن عليها يميل
اتاريها عصفة نو
وغصن جريح أزميل
يحيى حسين القاهرة
27 أكتوبر 2022
ليست هناك تعليقات:
إرسال تعليق