داويني...( زجلية مغربية)
بقلم: حميد النكادي.
اصنع دواك
يا لعليل...
دوا العطار
قالو غير هبيل...
يْقَيَّل يْدور
يبيع ؤ يشري
هذا براد
هذا طبسيل...
آش من دوا
عندو ينفع
القلب المقتول...
صنع دواك
شوف ليك
شي مرسول...
يقطع بالزربة
دوك الجبال
يوصل داك
الكلام المعسول...
احكي ليه
الجرح الغائر
ؤ حر لسان
اللهيب المشعول...
قل ليه انا
الولهان العطشان
قاصد بابك
حس بيا
ما تطعنّي طعنة
السيف المسلول...
دوايا بين يديك
رْقيني ها حالتي
توريك بدني لعليل...
سقيني ريق
شفايفك الحمرين....
اروي روحي
ينبت فصدري
الزهر والياسمين....
يغمرني النور
بعد ما كانت
الظلمة تطغى
على العين...
كان عندي
كيف النهار
كيف الليل ...
فرنسا16/21/2022
ليست هناك تعليقات:
إرسال تعليق