فن الواو (مربعات)
________
خايف مالاقيش حبايب
من بعد ماتهت سنين
وألاقى ديارنا خرايب
وأرجع للغربه حزين
----------------
البعد يامايه حراق
البحر ما يطفى ناره
والقلب وارم م يوم راق
عيل وتاه عن دياره
--------------
ياليل فراقكم م طولان
قمر الليالى م بارد
والدهر يامه م يوم لان
سكين وسنوه م بارد
--------------
مسيرنا في يوم نتلاقى
وحشوني كتير خياتي
فرقة وسنين سراقة
نهشت بسنانها حياتي
_________
وعجبها قولي ورسمي
عشقتني والعشق غيه
سمت ولدها على اسمي
علشان تنادي عليه
_______
لا تقولي عروسة المولد
ولا حتى عروسة البحر
ف عيونك عرايس الدنيا
جاية تتفرج ع السحر
_________
ياوابور الغربة ياقاسي
مشتاق والنبي مشتاق
رجعني لأهلي وناسي
قتلتني يابوي لشواق
_________
سامع حسك يامايا
وإنتي بتندهي ف الدرب
دعواتك لسه معايا
تنفعني في ساعة كرب
________
وعملت فيكي رفاعي
وقليبي بالمر حاوي
ف الأرض كتروا الافاعي
بين شطارتك ياحاوي
_________
الناقد
حمدى البوقي
ليست هناك تعليقات:
إرسال تعليق