نفحات سليمان
اتيمم
وبتمشي علي ترابك
واتيمم
وأجمع كل حواسيا
والملم
بلاقي حصنك الدافي
بيغمرني
والاقي عطرك الوافي
بيشملني
والاقي كل شئ فيكي
يطمني
واشوف صورتي علي
بابك
وانا بهمهم وحشتيني
يازهرة كل بساتيني
يانسمة بتناغش عيني
يااصلي ياعمري وسنيني
وحتي اللي فاضل مني
وانا بغازلك واقول انك
تقولي اني
وانتي واني كام معني
بيجمعنا ولا يسعنا غرام
الكون
ونتلون بنفس اللون
اشوفك جوه توب اخضر
وانا بعمة لتاج درويش
ملوش غيرك مدي ومرجع
واقول وسع ياماشي طريق
لقلب برئ ومتيم وجاي
بااشواق حنين سلم
وبتمشي علي ترابك واتيمم
واجمع كل حواسيا والملم
وهاتها جمايل يااااااااارب
صلاح سليمان
شاعر الحارة المصرية
ليست هناك تعليقات:
إرسال تعليق