لحظة ميلاد الفرح كان حبيب رايح
----------------------
وكأن روح وبتنبعث
يوم الوعد
بيتنا القديم اللي
اتباع واتهد
وانا قاعدة ادامه
وحاطة الإيد
ع الخد.
خدني الزمن وفضلت
أنا والذكريات
حكايات وآهات مع نفسي
وهات وخد.
نزلت دموعي وجريت
من غير مايشوفها حد
وأصحاب زمان قابلتهم
صدفة مارتبهاش منا حد
فجأة البيت قام وبصوت
حزين نده عليا وقال.
الأغاني اللي كنت يغنيها
والموال.
لأعز وأغلى واطيب قلب
هنا بيتنا وحتتنا ولعبنا
ومذاكرتنا.
والرسم والشخبطة
ع الأرض وحيطتنا
هنا سكتنا لمدرستنا
وبرائتنا
وكل القرايب حوالينا
العم والخال والجد
طال النظر للزمن
وكبرنا من غير ثمن .
بقلمي/ عزة حسنى
ليست هناك تعليقات:
إرسال تعليق