هات كتابك
كلمات حموده دهمان
هات كتابك
هات كتابك ياقلبي
واسرد حروف الألم
وامسك قلم وصحح
كل ذلاتك
وابكي ياقلبي وخلي الدموع
تهدر
يمكن بكاك ياقلبي
يخف الحمل من على
اكتافك
هات كتابك ياقلبي
ومتخبيش عن البشر
آناتك
وقول كام واحد صانك
وكام الف قلب بيك كان بيغدر
يمكن حد ياقلبي يحن عليك
ويلاقي دوا
لجراحاتك
هات كتابك ياقلبي
وافتش لكل العالم صفحاتك
خليهم يشوفوا
ازاي انا بيك عايش
وكام أمل جوا مني صبح شايخ
لحد امتا هنكابر وننكر
قول
ايه مني لسه بينبض
وايه جوايا اندفن
وسط الحشايش
هات كتابك
ليست هناك تعليقات:
إرسال تعليق