حضن الآاااه
*********
ف لحظه خوف من المجهول
رميت روحى فى حضن الآه
وقالوا الجرح شرحه يطول
وقالوا ان الدوا فى لقاه
وشافوا ان الطريق مقفول
جبال المر مانعه هواه
ف لحظه خوف من المجهول
****
فى لحظه شوق لدنيانا
وأجمل كلمه بين حبيبين
وغنوه عايشه جوانا
وقصر الشوق بنوه اتنين
ولوكان الهوا معانا
ماكان اتفرقوا القلبين
ف لحظه خوف من المجهول
***
يادنيا القسوه ليه طبعك
وليه الفرقه كاس داير
وليه المال يكون تابعك
يحطم ليه يكون جاير
دا لوكان الهوى نبعك
ما كان العشق يوم حاير
ف لحظه خوف من المجهول
بقلم /أحمد سلاطين
ليست هناك تعليقات:
إرسال تعليق