( وغريبه يادنيا)
وغريبه يادنيا وزيك زي الناس
تاه منك ومن ناسك الإحساس
لما راحوا الطيبين اعز الناس
واتغيرت كل حاجه يادنيا حلوه
حتي الكلمه والمعني راحوا من الغنوه
وغاب عن الحب وشكله ومعناه
ومبقاش بين الحبايب إحساس بنلقاه
والناس بقت عايشه ديابه ومش ناس
الطمع والجشع والإستغلال صبح عندهم اساس
ومات في القلوب الحب والحنيه
واتحجرت القلوب وكلها قسوه وقسيه
وراحت منك يادنيا المحبه والخير
وإحساس الحبايب مبقاش للحبايب وبقي للغير
مفيش احساس مفيش وفا مفيش اخلاص
وناسك يادنيا اخلاقها ضاعت خلاص
لاحد بيصون العشره ولا السنين
ولا حد بيصون الوداد
ولا حد بيحترم الميعاد
وادينا يادنيا فيكي بالإسم عايشين
لا بال مرتاح ولابرضا وقناعه حاسين
الكل عايش فيكي مطحون
وجوه نفسه علي طول مسجون
الصبر اشتكي يادنيا من افعالك
لا حزن ولا فرح بيشاركوه ناسك
الإخوه والصداقه والحب ملهومش معاني
والكل بيحب نفسه وعايش اناني
الله يسامحك يادنيا ع اللي عملتيه فينا
اتغيرتي لما راحوا منك اهالينا
نلومك يادنيا ولا نلوم ناسك
والكل تاه ومبقاش حد عارف مقاسك
خواطر (اشرف الدغيدي)
حقوق النشر محفوظة
ليست هناك تعليقات:
إرسال تعليق