(حبك جوايا شريان )
كل يوم أنام واصحي علي حبك
وافكاري تاخدني النهارده إزاي احبك
وافضل ارسم كل يوم ملامح جديده أشوف فيها صورتك
وليل ونهار انا وقلبي وروحي وعقلي جايبين في سيرتك
واسهر الليل كله افكر فيكي
وكل ليلة اعد النجوم واجمعها عُقد ليكي
وافضل أدعي واقول واقول
يارب هون وبعدي عنك تاني ما يطول
والنهارده هو عيد ميلادي الحقيقي
وكانت ويا حبك النهارده كل مواعيدي
وابتدي حبك ينورلي حياتي
وخلاني نفسي اعيش فوق عمري الف عمر مادُمت معاكي
وافضل احبك تانى وتاني وتاني
مادُمتي ياعمري بتحبيني ولسه عيزاني
بحبك وبعشقك وعن أهل الهوي راح اخبي ومش ح أقول
حبيبتي ارجوكي فكري تاني وقوليلي
عايزاني ولا انتي مش عايزاني وطمنيني
ده حبي ليكي حب تاني من نوع جديد
حب غالي مهواش حب عادي خلاني علي طول سعيد
ماانتي عارفه ياحبيبتي لما وهبت ليكي مشاعري وإديتيها الأمان
وسكنتك في قلبي وروحي ورحي سكنت جوه روحك واللي كان
ومن يوم ماحبيتك حبيت فيكي كل حاجه وصبح حبك جوايا شريان
ياساكنه فى روحي وقلبي وعقلي كنتي فين من زمان
ياللي في قلبك حسيت بكل الحب وكل الرضا وكل الحنان
ونسيت الدموع الحزينه وكل ايامها الأليمه
واتبدلت في عيوني بدموع الحب وفرحة اللقا والأشواق
وصبحت الأحلام والأماني بالنسبالي اشوف كل الحبايب عشاق
وتعالي ياحبيبتي يالحب اوعدك وتوعديني
وع الحنيه اعاهدك وتعاهديني
ضحكتنا تبقي صافيه وقلوبنا مسامحه ونفوسنا مصالحه
وابقي شمسك بالنهار
وتبقي قمري الليل كله اللي سارق مني قلبي ومتوه عقلي
مني وكل الأفكار
وازاي ياعمري تبقي ليا الحب كله وتاني احتار
وابقي حاسس بالحب كله معاكي ولغيرك إزاي أختار
خواطر (اشرف الدغيدي)
حقوق النشر محفوظة
ليست هناك تعليقات:
إرسال تعليق