مجرد رسالة
ظلمتيني ومش بالأيد
وقلتي خان بدون تأكيد
وظلمك عدا كل حدود
وعلم ف الحشا أخدود
حبيبة الروح بلاش قسوة
بلاش هجرك يكون رشوة
ل حب جديد دخل قلبك
ف قلتي على الغرام نزوة
وقلتي على الحبيب خانك
نسيتي إنه ف هواه صانك
وإنك كنتي آلامه وأحلامه
وعايش بس لغرامك وعلشانك
كلامي حبيبتي دا رسالة
وكان لازم في دي الحالة
أقول لك عيشي مع غيري
ديابة و لابسه وش رجالة
بقلم أحمد سلاطين
ليست هناك تعليقات:
إرسال تعليق