ركز في هدفك
لو ركزت ف الدنيا ياما
هتلاقي نفسك في دوامه
من ساعة ما خلقها ربنا
.
مره فرحك مالي يومك
ومره ماتستحمل همومك
مره تنام من السعاده
ومره ماترتحش ف نومك
.
واللي وقع من نصيبه
ومالقاش حد يشيله
لو هييرضي بالمقسوم
هيلاقي الخير دليله
.
واللي مشي الشر وراه
وسلم نفسه لهـواه
بكره يندم ندم عمره
ولا ينفع الندم معاه
لو ركزت ف الدنيا ياما
هتلاقي نفسك في دوامه
من ساعة ما خلقها ربنا
ولحد يوم القيامه
خالد المنصوري مصر
ليست هناك تعليقات:
إرسال تعليق