((( طُز )))
♡♡♡♡♡♡♡♡♡
حبيتك وقولت طيب
والحضن والأمان
ليه ظني فيك تخيب
وتيجي عليا مع الزمان
♡♡♡♡♡♡♡♡
حبك دمر حياتي
كرهني حتى ف ذاتي
وبكى عيوني ليلاتي
وعيشني سنين حرمان
♡♡♡♡♡♡♡♡
أنا أللي مأثر فيا
إن إنت أللي جنيت عليا
وأنا كنت شيلاك ف عينيا
وليه حبي في قلبك هان
♡♡♡♡♡♡♡♡
كانت حياتي قبلك بريئة
عيشاها بمليون طريقة
معاك حسيت بضيقة
وغدرك ليا بان
♡♡♡♡♡♡♡♡
مش حب دا أنانية
تكسرني وتهد فيا
وتصحي الدمع ف عينيا
وكأنه سيل أو طوفان
♡♡♡♡♡♡♡♡
خلاص سيبني أرجع لروحي
وأداوي من تاني جروحي
وأكتم جوايا نوحي
يمكن ألاقي تاني الأمان
♡♡♡♡♡♡♡♡♡
طُز في إللي ما يقدرني
وإللي قرر في يوم يخسرني
ولا فكر مرة يعذورني
وخلاني في طي النسيان
♡♡♡♡♡♡♡♡♡
طُز
رومانسية حزينة
بقلمي الشاعر/ وحيد محروس خليل
ليست هناك تعليقات:
إرسال تعليق