هارب من الأيام (550)
...................ساعات بحلم أكون ليلها
وأقرب منها أحكيلها
نسيم فرحه ودقه قلب
ونظرة عين سما لطيرها
يا ليل بشتاق وأنا جنبه
وأعد اللحظه لأقابله
ربيع دايم في بستان شوق وليه خايف
ما أكون سعده
تمالي أتمنى أنول قربه
ولا أتغرب في ليل بعده
راسم قلبه على كفي
حاسس بوجودي من نبضه
غزلي الحب من ثوبه
يا محلاه في غيرته يوم ألومه
يا دوب من نظرة والتانيه بنسى أيه قولت وهقوله
عاشق تايه دواه الليل
ولساه فى حلمه وجنونه
وليه تدارى فى الأحلام
وتهرب تاني من الأيام
لا عيشت العمر حسيته
وبان ليل الغرام أوهام
هادد بأيديك سما الواقع
هارب طول عمرة من الأيام
بقلم .. صبري رسلان
ليست هناك تعليقات:
إرسال تعليق