اليوم العالمي للشعر
الشعر شعور
وفكر وروح
وإدراك ومشاعر
ذوق عالي
وإنتاج غالي
وطير طاير
ف. السما
وأحزان
وبشاير
وفلسفة حاجات
من جوه آهات
أو ابتسامات
وحكاية دايرة
بترسم وقتنا
وبتعصر نبضنا
وتعبر عن حقيقة ضعفنا
ان احنا مهما كبرنا صغار
قدام الكون
مهما نكون
ومهما عملنا العمايل
نظرة الشاعر
طريق مفرود
بأمل ممدود
تبدأ قصته
من جوه الروح
بقلب سعيد
أو مجروح
ولا تخفى ولا بتروح
يموت الشاعر
وتفضل كلمته الحلوة
مرسومة زي الضحكة
بتبعت ألف نسمة ونسمة
بتقول أنا الكلمة
أنا الحكمة
ضد الموت
عايشة
مهما دار من حواليا
غمامات الغياب
أو شبح الموت ...
أسامه عبد القادر أحمد
ليست هناك تعليقات:
إرسال تعليق