متستغربش لما تغيب
بكون قلقان على غيابكو ميهداش بالي ولا بيطيب
طول ما القفل على بابك
بكون محتار وهتجنن
واقول طاب يفتح اطمن
يقولي بخير ماتزعلشي
يرن وبعدها يكنسل
يابحر السحر فى عيونه
لما يطل بملامحه
عليا النعمه لو اطولو؟؟؟؟؟؟
هضحك برضه وهسامحه
وفجأه رنه ف موبايلي
الاقي رساله من رقمك
تقول معلش سامحني
ياستي وربنا مسامحك
يابت ده لونك القمحي
بيحكي فى الخيال اسرار
ساعتها بصي فى ملامحي
تلاقيني بكون محتار
واكون تايه
مابين عينك وبين رمشك
وبين خدك
وبين الضحكه فى شفايفك
بكون طاير بأحلامي
واحلامي تاخدني بعيد
فمتركزش في كلامي
انا بس اللى ببقى سعيد
مبعرفشي بقولك ايه
بقول لعنيكي ضميني
واقولك قربي مني
ومن الاحراج تقولي همشي
اقول وحياتي تستني
فعارفه لو تحسيني::::
اكيد هترقي وتحني
كلماتي/عبدالسلام الطوخي
ليست هناك تعليقات:
إرسال تعليق